Izraeli, sipas disa mediave amerikane, është duke shqyrtuar mundësine e ndërmarrjes së veprimeve ushtarake kundër Iranit pa mbështetjen e SHBA-së, e kjo mund të ndodhë edhe brenda ditëve ne vijim. Donald Trump ka kërkuar t`i jepet kohë diplomacisë, teksa vazhdojnë diskutimet e avancuara me republikën islamike lidhur me një marrëveshje që synon kyfizimin e programit bërthamor të vendit të Lindjes së Mesme. Por në shtetin hebre, zërat mbi një sulm të njëanshëm ndaj Iranit sa vjen e shtohen, e kjo pikërisht tani, kur negociatat mes Uashingtonit dhe Teheranit duken më pranë një ujdie kornizë që përfshin dispozita në lidhje me pasurimin e uraniumit. Dispozita te tilla, Izraeli i konsideron si të papranueshme. Prandaj, qeveria e kryeministrit Benjamin Netanyahu po shqyrton një sulm ndaj Iranit, i thanë një ndihmës i Capitol Hill dhe burime të tjera të njohura me çështjen rrjetit partner amerikan të Sky Neës, NBC Neës. Perspektiva e një fronti të ri në konfliktin në Lindjen e Mesme ka shtyrë administratën Trump të urdhërojë të gjitha ambasadat brenda distancës së goditjes nga raketat, avione dhe mjete te tjera iraniane, të dërgojnë kabllograme me vlerësime rreth kërcënimit të mundshëm për amerikanët dhe infrastrukturën e tyre. Shtëpia e Bardhë ende nuk i ka informuar politikanët e lartë mbi situatën, sipas një zyrtari atje. Raportet kanë dalë pasi Departamenti amerikan i shtetit njoftoi se kishte urdhëruar evakuimin e të gjithë personelit jo-thelbësor nga ambasada e tij në Bagdad, Irak, për shkak të frikes për trazira rajonale.