Top Channel/Më shumë raste se Franca, Gjermania e Italia bashkë: Britania kthehet në darën e virusit

Britania e Madhe regjistroi gati gjysëm milioni raste të reja nga koronavirusit gjatë dy javëve të fundit dhe gati 50.000 vetëm gjatë ditës së hënë- që do të thotë me shume se Franca, Gjermania, Italia dhe Spanja bashkë. 223 vdekje u shënuan të martën, shifra më e lartë ditore që prej muajit mars. Përse vendi që ka vaksinuar plotësisht 67.6% të popullsisë përballet sot me këtë situatë? CNN thotë se kryeministri britanik Boris Johnson iu largua qasjes së pjesës më të madhe të Bashkimit Europian; në një kohë kur mjaft vende të kontinentit vendosën pasaportat e vaksinave, Anglia hoqi dorë nga plan ii saj fillestar për ta bërë një gjë të tillë. Ndërkohë, në vend nuk janë më të detyrueshme as maskat apo distancimi social. në Francë dhe Itali, ende ekziston detyrimi i maskës në ambjente të mbyllura e të mbushura me njerëz, dicka që nuk kërkohet në Mbretërinë e Bashkuar. Të dhënat e ofruara nga Zyra kombëtare e Statistikave, tregojnë se vetëm 40% e britanikëve e praktikojnë ende distancimin e social, ndërsa mbajtja e maskës, ka rënë ndjeshëm e nuk praktikohet më mes popullsisë.