Twitter ka rënë dakord të shitet tek Elon Musk, njeriu më i pasur në botë, në një marrëveshje prej 44 miliardë dollarësh (35 miliardë paund). Marrëveshja e vendos shefin ekzekutiv të Tesla-s në krye të një kompanie me 217 milionë përdorues dhe që ka një ndikim në formësimin e agjendës politike dhe mediatike në të dy anët e Atlantikut. Musk ka theksuar vazhdimisht ditët e fundit se qëllimi i tij është të forcojë fjalën e lirë në platformën sociale dhe të punojë për të "zhbllokuar" "potencialin e jashtëzakonshëm" të Tëitter. Musk shtoi se ai dëshiron ta bëjë Tëitter-in më të mirë se kurrë duke përmirësuar produktin me veçori të reja, duke i bërë algoritmet me burim të hapur për të rritur besimin, Bret Taylor, kryetar i bordit të Tëitter, tha se kishin vlerësuar plotësisht ofertën e Musk dhe se kjo ishte "rruga më e mirë për aksionerët e Tëitter". Nuk është ende e qartë se kush do të drejtojë kompaninë e re, por në dokumentin e tij të ofertës, Musk i tha bordit të Tëitter se : "Unë nuk kam besim te menaxhmenti". Synimi i Musk ndaj Tëitterit ka ecur me shpejtësi të jashtëzakonshme. Në fillim të prillit doli lajmi se Musk ishte bërë aksioneri më i madh në firmë me 9.2% të aksioneve. Më pas ai u ftua të bashkohej me bordin e Tëitter, por hodhi poshtë ofertën dhe menjhere më pas zbuloi një ofertë të papritur për kompaninë më 14 prill, duke thënë se donte të "zhbllokonte" potencialin e saj si një bastion i lirisë së fjalës. Megjithëse ka transformuar biznesin e lajmeve dhe mënyrën se si të famshmit dhe politikanët arrijnë audiencën e tyre, Tëitter ka zhgënjyer prej kohësh Ëall Street-in, duke mbetur prapa kompanive të tjera të mediave sociale në aftësinë e tij për ta kthyer atë fuqi në dollarë. Kompania e mbylli vitin 2021 me më shumë se 200 milionë përdorues të përditshëm në mbarë botën, 13% më shumë se një vit më parë, por në fillim të këtij viti, aksionet tregtoheshin më pak se kur kompania u listua për herë të parë në bursë në 2013.