Parashqevi Simaku ishte e ftuar në një darkë nga miqtë e saj, së bashku me Elton Ilirjanin. Ikona e muzikës shqiptare shpërndau një video në rrjetet sociale, ku shfaqet duke shijuar ushqimet tradicionale shqiptare, nga nëna e grimieres së saj. Duke bërë gëzuar me raki, ajo falënderon miqtë e saj dhe ndër të tjera thotë: “Na u bëftë gjak e dhjamë”. Rasti i Parashqevi Simakut, e cila jetonte e pastrehë në Nju Jork tronditi opinionin publik disa muaj më parë. Pas ndihmës së dhënë, kryesisht nga biznesmeni shqiptaro-amerikan Elton Ilirjani, situata e këngëtares paraqitet e mirë. Pas ndihmës së marrë, Parashqevia arriti të takonte djalin e saj, Luke, të cilin kishte shumë vitë pa e takuar. Gjatë muajit janar këngëtarja mori mjekim në një spital psikiatrik ku qëndroi për disa javë. Sipas Ilrjanit, shkak për gjendjen e rënduar të Parashqevisë u bë takimi me djalin e saj. Pas daljes nga spitali, Simaku filloi të shfaqej në javën e modës në New York, krah Ilirjanit, filloi të këndonte dhe madje publikoi këngën e saj të parë pas shumë vitesh të titulluar “Dashuria”.