Në imazhet e filmuara mes 23 qershorit dhe 5 korrikut në 2 parqet kryesore në veri dhe në jug të Tailandës, shiheshin më shumë se 200 zogj të rrezikuar sqep-bri që fluturonin e qëndronin në majë të një peme. Ky është një sinjal se bota e egër po rifiton habitatin e saj pas ndalimit të vizitorëve në parqet kombëtare prej valës së tretë të Covid-19 në vend. Tailanda ka më shumë se 100 parqe kombëtare, që janë nga atraksionet kryesore turistike të vendit dhe ofrojnë një menu të gjerë aventurash. Shumica e tyre kanë ambjente pritjeje në distancë, për të shmangur ndërtimin në zonat e mbrojtura natyrore. Në parkun e Kao Sok, është gjetur një zgjidhje alternative e pritjes së turistëve. Ata akomodohen në rreth 20 tenda, secila prej te cilave pluskon mbi një platformë lundruese në liqenin Ciou Lan, në zemër të xhunglës tailandeze.