Mbretëresha britanike celebroi sot ditëlindjen e saj zyrtare me një mini-paradë ushtarake, si nga trupat tokësore dhe disa ekzibicione ajrore mbi kështjellën Windsor. Elisabeta II shikonte e buzëqeshur sesi ushtarët dhe banda me veshje të shkëlqyera kryenin ekzibicionin personal të monarkes. Kushëriri i mbretëreshës, Duka i Kent e shoqëronte atë në rolin e tij si Kolonel i Rojave Skoceze. Rojat mbanin kostume të shkëlqyera të kuqe ndërsa regjimenti mbretëror i kavalerisë mbante pllaka ceremoniale në gjoks dhe helmeta me pupla. Vetë mbretëresha mbante një pallto ngjyrë gri të hapur dhe kapele që përshtatej me të. Ndërsa grupi i avionëve akrobatikë të forcave ajrore Red Arrows (Shigjetat e Kuqe) lyenin qiellin me ngjyrat e flamurit britanik, të kuqe, të bardhë e blu.