Italia vazhdon të bëjë llogaritë me ngjarjen tronditësë, jehona e së cilës, për nga brutaliteti i madh i saj, kapërceu edhe kufijtë e vendit: vrasja e dy vëllezërve 10 dhe 5 vjec, dhe goditja me një plumb në tëmth e 74 vjecarit Salvatore Ranieri, pensionisti hero që vdiq sepse u përpoq të shpëtontë fëmijët. David dhe Daniel Fusinato po luanin në park. Kur Ranieri pa agresorin Andrea Pignani, t`i drejtonte të miturve pistoletën u kthye drejt tij duke i bërtitur t`i lërë të vegjlit të qetë. Ky veprim do t`i kushtonte jetën. Babai i dy djemve, Dokenica doli me vrap nga banesa pasi dëgjoi britmat, edhe pse ishte në arrest shtepie per një cështje droge. Ai thirri i dëshpëruar për ndihmë ndërsa i kapi për dore duke u përpjekur t`i jepte kurajo, ndonëse ishte tepër vonë. detaje të reja po dalin në dritë mbi vrasësin. 35 vjecari inxhinjer informatik, i cili pas masakrës në Ardea vrau veten, duket se kishte qenë i dhunshëm e i rrezikshëm. Fqinjet e njihnin të gjithë si njeri problematik; ata thonë se ai grindej shpesh e i kërcënonte me pistoleta duke shtënë edhe në ajër, por askush deri më tani nuk e kishte denoncuar. Nëse do ta kishin bërë, fatkeqësia që sot ngre shumë pikëpyetje, ndoshta do të ishte shmangur.