Për të parën herë në katër dekadat e historisë së saj, partia e Gjelbërt në Gjermani nxorri një kandidate për kancelare. Po kaq historik, duket se do të jetë dhe roli që të gjelbrit pritet të luajnë në zgjedhjet e përgjithshme të shtatorit në vend. 40 vjecarja Annalena Baerbock do t`i përfaqësojë ata në përpjekjen për të marrë postin e Angela Merkelit. Dhe deri tani, duket se Baerbock është e vetmja femër në garë. Dikur të parë si një grup kaotik hipish, të gjelbrit gjermanë sot ka shumë të ngjarë të bëhen pjesë e qeverisjes së vendit. Me konservatorët e përfshirë në mosmarrëveshje të mëdha mbi kandidatin e tyre, Partia e Gjelbert nuk është cudi që edhe të përfundojë si forca më e madhe në koalicionin e ri, e kjo do të nënkuptonte se Annalena Baerbock, mund të bëhet kancelarja e ardhshme. Që tani po hiqen paralele mes saj dhe lidereve të reja e të suksesshme femra në Finlandë apo Zelandën e Re. Baerbock lindi në 1980-tën, në të njëjtin vit kur u themelua partia e saj. prindërit e merrnin me vete në demonstratat e tyre kundër armëve bërthamore. Fëmijërinë e vet thotë se e kaloi mes pompave me ujë të policisë dhe ëmbëlsirave më vonë në shtëpi. Sipas sondazheve më të fundit, të Gjelbrit marrin 22% të votave, të dytët pas bllokut konservator CDU/CSU të Merkelit. Partia e Gjerlbër gjermane tani është kthyer më mainstream, dhe duket e fokusuar tek pushteti, ndërsa askush nuk bën më shaka për të.