Anija turke “Moliva” me 102 kontenierët që dyshohet se përmbajnë mbetje industriale të rrezikshme mbërriti në Durrës sot rreth orës 07:30 dhe ende ndodhet në raderin e jashtëm. Ende nuk është planifikuar se kur do hyjë ajo në në port. Nga ana tjetër Prokuroria e Durrësit ka urdhëruar sekuestrimin e menjëhershëm të kontenierëve, si pjesë e një hetimi penal të nisur pak muaj më parë. Urdhri i sekuestrimit u është dërguar autoriteteve portuale dhe disa drejtorive të tjera për ekzekutim, duke kërkuar depozitimin e tyre në një vend të sigurt dhe të mbikëqyren pa ndërprerje nga kamerat 24 orë, për të garantuar sigurinë mjedisore dhe fizike. Pasi të përfundojë ekzekutimi i urdhërit të sekuestros, prokuroria do të.proçedojë marrjen e kampionëve dhe dërgimin e tyre në laboratorë të liçencuar për analiza e në bazë të përfundimit të tyre do të proçedohet.