Kryeministri i ri i Sri Lanka tha sot se vendi nuk ka para për blerjet e eksporteve esenciale, teksa me naftën mundohet të furnizojë me rezerva nga një ditë në tjetrën. Ranil Vikremesinge tha se vendi mund të përballet me më shumë vështirësi në ditët në vijim, teksa 22 milionë banorët e vendit do të kenë vështirësi për të siguruar ushqim, mjekime e karburant. Kryeministri i ri mori mbështetjen e partive të opozitës për të ardhur në post pas protestave masive kundër klanit kryesor në pushtet Raxhapaksa. "Nuk dua ta fsheh të vërtetën e të gënjej,” tha ai në fjalimin ku njoftonte vështiorësitë ekonomike. Por përsëri mijëra protestues mbeten ende në kampin e protestës para zyrës së presidentit 73-vjeçar Gotabaia Rajapaksa, duke kërkuar largimin e tij. Ata thonë se nuk mjafton largimi i vëllait të tij Mahinda nga posti i kryeministrit javën e shkuar, pas disa javë protestash të ashpra e rreth dhjetë të vrarëve nga policia. Ndërkohë mangësitë e energjisë dhe inflacioni po shkaktojnë krizë të rëndë për banorët në Sri Lanka.