Kryeministri indian Narendra Modi bëri thirrje për armëpushim të menjëhershëm në Ukrainë gjatë vizitës dy-ditore në Danimarkë, ku takoi homologen Mette Frederiksen.Modi, ndalesa e parë evropiane e të cilit ishte dje në Gjermani, mori pjesë sot në samitin nordiko-indian në Kopenhagen para se të vijojë me vizitën në Francë. Ai bëri thirrje për dialog dhe fund të luftës në Ukrainë, por pa dënuar drejtpërdrejt veprimet e Rusisë. India importon shumicën e armatimeve të saj nga Rusia dhe ka ruajtur një linjë delikate diplomatike mes Moskës e Perëndimit. "Ne insistojmë për një armëpushim dhe kemi bëre thirrje për bisedime si mënyra e vetme për zgjidhjen e krizës në Ukrainë”, tha dje Modi nga Berlini. "Ne besojmë se nuk ka fitues në këtë luftë dhe të gjithë do të humbasin, prandaj jemi në favor të paqes”, shtoi ai. Përveç pasojave humanitare ndaj ukrainasve, presionit ndaj çmimit të energjisë dhe furnizimit botëror me ushqim, lufta i rëndon çdo familjeje në botë, tha ai.