Turistët po vërshojnë drejt Kroacisë për sezonin e ri turistik por vendi i Adriatikut thotë se nuk ka punonjës të mjaftueshëm turizmi për vizitorët e saj. Autoritetet thonë se për të plotësuar boshllëqet po punësojnë njerëz nga Azia e nga vendet e Ballkanit. Të njëjtin problem duket se kanë dhe destinacione të tjera në Evrope si Franca, Spanja e Greqia, që vjen si pasojë e mbylljeve të mëhershme të virusit. Por Kroacia thotë se ka vuajtur prej vitesh problemin e stafit për destinacionet e saj të bregdetit dhe rreth 1000 ishujve turistikë. Zyrtarët thonë se industrisë së turizmit këtë sezon i mungojnë diku rreth 10,000 punonjës. Kroacia pritet të ringrejë ndjeshëm masën e turizmit të saj teksa ka pritur rreth tre milionë vizitorë në pesë muajt e parë të vitit. Ky është rreth trefishi i numrit të vitit të kaluar dhe është sinjal i mirë për pikun e sezonit që nis është periudha korrik e gusht. Në vitin 2019 vendi me 3.8 milionë banorë priti një rekord prej 21 milionë vizitorësh. Të ardhurat e turizmit në Kroaci përbejnë të paktën një të pestën e ekonomisë së saj.