Momente frike në Montreal, ku të shtënat me armë zjarri ka lënë tre të vdekur. Ngjarja ndodhi në një zonë të qytetit kanadez ku jeton një komunitet i madh hebre . Sipas raportimeve të fundit të dhënë nga policia, numri i të vdekurve është tre, ndërsa midis viktimave është një oficer i policie i cili u plagos për vdekje gjatë operacionit. Sulmuesi, një i ri nga Alberta, i cili mbante veshur uniforma kamuflazh, gjithashtu vdiq pasi u qëllua disa herë nga forcat e sigurisë. Viktima e tretë është një rabin, që dyshohjet se ka qenë edhe shënjestra. Policia e Montrealit deklaroi gjithashtu se agresori qëlloi të paktën 20 herë me pushkë para se të neutralizohej . Sulmi ndodhi rreth orës 11:30 të paradites sipas orës kanadeze në një zonë që është e populluar nga komunitete hebraike, me restorante të shumta dhe qendra të komunitetit hebraik. Deri tani nuk janë zbuluar ende shkaqet e këtij sulmi, ndërsa autoritetet nisën kontrollet në shtëpinë e agresorit dhe po marrin në pyetje të afërmit e tij.