Bashkëshortja e Ismail Kadaresë, Helena Kadare, teksa kujton kolosin letrave shqipe, tregon se si ai çdo krijim e hidhte në letër. Sipas zonjës Kadare, shkrimtari ruante të gjitha dorëshkrimet, madje kur u vendos në Francë, mori me vete një pjesë të mirë të tyre. “Në 70 vite krijimtari, ai ka shkruar vetëm me dorë. Ne kishim dorëshkrimet e arkivave të tij kur ikëm për herë të parë në Francë në ’90 dhe që erdhi sigurimi i sekuestroi. Kur u kthyem, na i dha Arkivi. I morëm me vete, ai donte të ruante çdo gjë. Kur erdhi Covid, vendosëm të vinim në Shqipëri, por ishte e pamundur të merrnim arkivat. Shkuam më vonë për t’i marrë. Ishin 36 kuti, ishte aq e lodhshme. Disa i lamë në apartamentin këtu në Tiranë, disa në Qerret. Më pas, ishte mrekulli që drejtori i Arkivit vendosi t’i marrë. Në shtëpinë në plazh rrezikonin të mykeshin nga lagështia. Qëndroja gjithnjë me kënaqësi pranë Ismailit, nuk ndieja lodhje”, shprehet ajo.