Aktori Johnny Depp vijon të pretendojë se është viktimë e abuzimit psikologjik nga ish-bashkëshortja Amber Heard, dhe e ka cuar ish bashkëshorten në gjyq për shpifje. Në dëshminë e tij, aktori foli për ‘urrejtjen’ dhe temperament posesiv të aktores, që dalëngadalë i kujtonte se martesa me të e rikthente te ‘traumat ekzistenciale’ të së kaluarës. Depp madje përmendi dhe në koncepte ‘frojdiane’ të mërkurën duke i thënë jurisë se të qenit çift me Heard ishte sikur “të shoqërohej me nënën e tij”. “Dalëngadalë ti nis të kuptosh se në një farë mënyre je në një marrëdhënie me nënën tënde”, tha Depp duke iu referuar abuzimeve psikologjike të nënës së tij kur ishte fëmijë. Depp tha se ish-gruaja gjente“dobësitë në jetën e tij” të cilat më pas ktheheshin në “municionin e saj” për ta shkatërruar verbalisht. Aktori i tha sot jurisë se kishte qëndruar aq gjatë me ish-gruan e tij “abusive” pasi nuk dëshironte “të dështonte” dhe se trembej se ajo do të vriste veten.