Jennifer Lopez foli për herë të parë për revistën Interview për divorcin e saj nga Ben Affleck. Ata vendosën të ndahen këtë shtator pas dy vitesh martesë. Ajo pranoi se ndihet e vetmuar dhe e trishtuar në këtë situatë, por se nuk e lë ta përcaktojë nëse është në një lidhje apo jo. “Kur ulesh dhe mendon për ato ndjenja dhe thua: ‘Këto gjëra nuk do të më vrasin’, është njësoj si të thuash, ‘unë nuk mund të kërkoj vetë lumturinë time’. Unë mund të jem e lumtur me veten time”, tha ajo. Megjithatë, shtoi se është një romantike që i pëlqen të jetë në një lidhje dhe dëshiron të plaket me dikë. “Ne mendojmë se duhet t’i kemi të gjitha për të qenë të plotësuar dhe të lumtur”, tha ajo. Thashethemet se Jennifer dhe Ben po divorcoheshin filluan të qarkullojnë këtë maj, por ata kanë hezituar të konfirmojnë publikisht problemet në çift. Këngëtarja bëri kërkesë për divorc në gusht. Edhe pse së fundmi paparacët i kanë “kapur” duke u puthur gjatë një dreke ku nuk kanë munguar edhe fëmijët e tyre, ata nuk kanë në plan të heqin dorë nga divorci.