Lekë Tasi, piktor, muzikant – Historia e përndjekjes sime fillon kur unë isha gjashtë muaj foshnjë. Në 1975 piktori, muzikanti dhe shkrimtari Lekë Tasi u internua familjarisht në Grabjan të Lushnjes, ku qëndroi deri në rrëzimin e diktaturës 35 vite më parë. Sot është 96 vjeç, por nuk heq nga kujtesas asnjë çast nga vuajtet që ka përjetuar e gjithë familja. I ati, avokati Koço Tasi, njëkohësisht anëtar i Parlamentit të Parë Shqiptar pas Kongresit të Lushnjës emigroi për 17 vjet në Greqi pas Revolucionit të qershorit. Me kthimin në atdhe, u arrestua dhe dënua në gjyqin special në vitin 1945. Edhe xhaxhai Akile Tasi, me karrierë të ngjeshur politike në kohën e luftës, vdiq në burgjet e diktaturës. Lekë Tasi, piktor, muzikant – Unë jam në moshë të madhe, kam merakun e raportit të shoqërisë me familjen time, një pikë e pashteruar, madje fajësuese ndaj familjes sime. Babai im u dënua me burgim të përjetshëm që iu kthye në 20 vite burgim, u dërgua në kamp dhe më pas në Burrel. Në një ceremoni të mbajtur në Autoritetin për Informimin mbi Dokumentet e ish-Sigurimit të Shtetit në kuadër të Ditës së rrëzimit të shtatores së diktatorit, dhe ish-i përndjekuri politik Lekë Koço Tasi u nderua me titull nderi, që iu dorëzua nga nënkryetarja e Bashkisë Divjakë, bazuar në vendimin e Këshillit Bashkiak. Silvana Kekum nënkryetare e Bashkisë Divjakë -… Me motivacionin: “Për rezistencë dhe dinjitet njerëzor të ish-të përndjekurit, si person aktiv në dokumentimin e së shkuarës” Në ambientet e Autoritetit të Dosjeve, u çel edhe ekspozita “Historitë e patreguara të Lushnjës” që solli në vëmendje përmes fotografive dhe dëshmive një nga kapitujt më të dhimbshëm të historisë së vendit – internimet masive në zonën e Myzeqesë.