Këshilli i Sigurimit të Organizatës së Kombeve të Bashkuara pritet të zhvillojë d një mbledhje urgjente për sulmin e Izraelit ndaj Iranit, si hakmarrje për sulmin iranian të 1 tetorit. Takimi është kërkuar nga Irani, me mbështetjen e Algjerisë, Kinës dhe Rusisë. Irani i ka bërë thirrje Sekretarit të Përgjithshëm të OKB-së Antonio Guterres dhe presidencës së Këshillit të Sigurimit që të dënojnë sulmet izraelite ndaj Iranit., duke shtuar se shkelje të tilla të rënda nuk do të mbeten pa përgjigje. Nga ana tjëtër, kryeministri izraelit Benjamin Netanyahu tha se sulmet e fundit të Izraelit ndaj Iranit kishin dëmtuar rëndë aftësitë e tij mbrojtëse. “ne mbajtëm premtimin tonë dhe dëmtuam rëndë kapacitetin mbrojtës të Iranit dhe aftësinë e tij për të prodhuar raketa kundër nesh”, tha Netanyahu. Ai gjeti rastin të falenderojë aleatët e tij amerikan për atë që e quajti"koordinimin dhe ndihmën e ngushtë" duke shtuar se sulmi "i arriti të gjitha objektivat e tij". Zyrtarët e administratës Biden megjithatë kanë thënë se Shtetet e Bashkuara nuk ishin përfshirë drejtpërdrejt në sulm, por se ushtria e shtetit hebre ishte konsultuar me ta vetëm për mënyrën se si do të kryehej sulmi.