Pamje të shpërndara sot nga rrjeti Al Jazeera tregonin momentet kur gazetarja Shiren Abu Akleh, qëllohet për vdekje teksa raporton mësymjen e ushtrisë izraelite në një kamp palestinez. Një fotograf i rrjetit AFP në vendndodhje konfirmonte se Abu Akleh mbante jelekun e posaçëm të punonjësve të shtypit kur u qëllua. Fotografi raportonte se trupat izraelite po qëllonin në zonë, para se të shihte trupin e gazetares së vjetër të konfliktit të shtrirë përtokë. Al Jazeera tha se ushtria vrau me gjakftohtësi 51 vjeçaren, ndërsa Izraeli tha se gruaja “mund të jetë vrarë nga zjarri i palestinezëve”. Gazetarja e njohur me origjinë palestineze ishte gjithashtu qytetare amerikane, dhe po raportonte sulmin e ushtrisë në qytetin e pushtuar të Jenin mengjesin e të mërkurës. Javët e fundit Izraeli ka kryer sulme të përditshme tokat e pushtuara të Bregut Perëndimor, pas disa sulmesh vetëvrasëse në Izrael.