Në imazhe shihen pasojat pas sulmit në qytezën e Borodyanka, në veriperëndim të kryeqytetit Kiev. Pamjet tregojnë dëme të rënda në zonat rezidenciale, me disa ndërtesa të shkatërruara dhe të tjera ende në flakë. Të tjera pamje tregonin dje mjetet ushtarake që godisnin me artileri në qendër të qytezës pas një sulmi masiv të forcave ruse. Zhvillimi vjen në javën e dytë të asaj që presidenti rus Vladimir Putin ka quajtur “operacion special ushtarak” për "demilitarizimin dhe de-nazifikimin” e Ukrainës. Rusia paralajëmroi se vendet që ndërhyjnë në operacionin e saj në mbështetje të separatistëve pro-rusë në lindje, do te përballen me “pasoja të panjohura më parë”. Ukraina ka shpallur shtetrrethimin dhe ka ndërprerë marrëdhëniet me Rusinë.