Gjakftohtë e i kalkuluar, por ministri i jashtëm rus u dorëzua përballë kritikave në takimin e ministrave të jashtëm të G20-tës në Indonezi. Washingtoni dhe aleatët e tij e dënuan ashpër agresionin e Moskës në Ukrainë, duke mos i dhënë kryediplomatit rus as mundësinë të reagonte. ““Ajo që ne kemi dëgjuar sot tashmë është një kor i fortë nga e gjithë bota… për nevojën për t’i dhënë fund agresionit”, tha Blinken nga takimi i zhvilluar në ishullin turistik të Balit. Kur edhe homologia gjermane, Annalena Baerbock nisi një sulm verbal frontal ndaj tij për pushtimin e dënuar me forcë nga komuniteti ndërkombëtar, Lavrov u ngrit e u largua nga takimi. Vetë Blinken e shmangu një takim përballë me te, e në vend të kësaj e akuzoi Rusinë se po shkakton një krize globale ushqimore, dhe i bëri thirrje te heqë bllokaën ndaj grurit ukrainas. “Kolegëve të mi rusë u them: Ukraina nuk është vendi juaj, Gruri i saj nuk është gruri juaj. Përse i bllokoni portet? Lërini ngarkesat të kalojnë” ishte komenti i sekretarit të jashtëm amerikan. më herët, Lavrovi qe shprehur se nuk kishin ndërmend t`i shkonin nga pas Washingtonit për bisedime. Ishin Shtetet e Bashkuara ato që i ndërprenë kontaktet, jo ne tha ai. Ministrja e Punëve të Jashtme të vendit mikpritës të takimit, Indonezisë, Retno Marsudi, u bëri thirrje të pranishmëve, në mesin e të cilëve ishte edhe ministri i Jashtëm kinez Wang Yi, që të tejkalojnë mosbesimin për hir të planetit që po përballet me sfida të shumta, që nga pandemia e koronavirusit, ndryshimet klimatike e deri te lufta në Ukrainë. Pamjet: AFP