33-vjeccari Andrea Bregasi ndërroi jetë sot në burgun e Fushë Krujës, për shkak të një arresti kardiak. Sipas Drejtorisë së Burgjeve ai ka qenë përdorues i lëndëve narkotike dhe kishte nisur trajtimin me metadon nga stafi mjekësor, për të përmirësuar gjendjen shëndetësore Bregasi po vuante dënimin e tij si autor i ngjarës në Don Bosko më 14 dhjetor të vitit të kaluar, ku tentoi të vriste fqinjin e tij, duke qëlluar me armë zjarri drejt automjetit të tij. Në atë kohë 33-vjeçari sapo kishte dalë nga burgu, ku ishte i arrestuar për grabitje me armë. Policia vendosi 5 mijë euro shpërblim për çdo informacion që do të çonte në kapjen e tij dhe si përfundim e arrestoi më 11 korrik 2024, pra nëntë ditë më parë. Ai u kap në hyrje të një pallati dhe gjatë kontrollit në çantën e tij, policia gjeti 1 armë zjarri pistoletë me municion luftarak, që mbante pa leje.