Dy kisha tjera katolike janë djegur në komunitetet indigjene në perëndim të Kanadasë. Ndërtesat u shkrumbuan brenda një ore nga njëra tjetra, ndërsa zyrtarët janë të bindur se këto zjarre duhen konsideruar të dyshimta. Të hënën e javës së kaluar, dy kisha tjera katolike në këtë provincë janë shkatërruar nga zjarret, teksa Kanadaja shënonte Ditën Kombëtare të Popullit Indigjen.“Hetimet për zjarret paraprake dhe këto dy të rejat janë duke vazhduar dhe ende nuk ka të arrestuar apo akuza”, tha shefi i policisë së zonës Jason Bayda. Lajmi erdhi pasi qindra varre të pashënuara janë zbuluar nëpër ish-shkolla rezidenciale në Kanada. Shkollat e financuara nga qeveria, udhëhiqeshin nga grupet fetare në shekujt 19 dhe 20-të, me qëllim asimilimit e të rinjve indigjenë, kujton REL. Grupet indigjene kanë bërë thirrje për hetime kombëtare për gjetjen e varreve tjera.Në periudhën 1863-1998, më shumë se 150,000 të mitur indigjenë janë marrë nga familjet e tyre dhe janë dërguar nëpër këto shkolla. Në muajin maj u njoftua se në një shkollë të tillë në British Columbia ishin zbuluar eshtrat e 215 fëmijëve.