Gazetari rus dhe laureati i Nobelit për Paqen Dmitry Muratov po nxjerr në ankand medaljen e tij Nobel për refugjatët ukrainas, raporton Reuters. I shqetësuar nga zhdukja e mediave të pavarura në vendin e tij, ai thotë se gjithnjë e më pak njerëz mbështesin fushatën ushtarake të Moskës. Muratov është bashkëthemeluesi dhe kryeredaktori për një kohë të gjatë i Novaya Gazeta, një gazetë kritike ndaj Kremlinit, e cila u krijua në vitin 1993 me paratë e çmimit Nobel për Paqen të ish-presidentit sovjetik Mikhail Gorbachev. Për vite me radhë ajo sfidoi kufizimet shtrënguese ndaj mediave opozitare, por në mars më në fund pezulloi aktivitetet e saj në internet dhe ato nw shtyp pasi u bë një krim - i dënueshëm me 15 vjet burg - raportimi i çdo gjëje mbi luftwn që ishte kundër linjës së qeverisë. "Vendi im pushtoi një shtet tjetër, Ukrainën. Tani ka 15.5 milionë refugjatë ... Ne u menduam për një kohë të gjatë se çfarë mund të bënim, të gjithë duhet të dhurojnë diçka të dashur e të rëndësishme për ta." Tha Muratov për Reuters Medalja e Muratov do të shitet nga Heritage Auctions më 20 qershor, Ditën Botërore të Refugjatëve. Pamjet: AFP