Ekipet e shpëtimit vazhdonin sot krkimin në rrënojat e një godine 12-katëshe banimi, disa ditë pas shembjes tragjike te nderteses se apartamenteve luksoze ne plazhin e Miami, SHBA. Kryetarja e bashkisë së kontesë Miami urdhëroi sot një kontroll të të gjitha ndërtesave mbi 40 vjeçare pas shembjes së Kullës Jugore të kompleksit Champlain. Kulla u ndërtua në vitin 1981, ku nje apartament kushtonte mesatarisht 1 milione dollare. Ekipet e shpëtimit vazhduan të gërmojnë në rrënoja për të pestën ditë duke shpresuar ende se mund të gjejnë të mbijetuar në ndërtesën e shembur bregdetare. Anëtarët e familjeve vazhdojnë të kenë shpresë, edhe pse ende askush nuk është nxjerrë i gjallë që pas shkatërrimit të strukturës. Numri i të vdekurve arriti në nëntë. Por më shumë se 150 njerëz janë ende të zhdukur. Ekipe nga Izraeli dhe Meksika kanë shkuar për të mbështetur operacionet e shpëtimit – me gjashtë deri në tetë skuadra që punojnë aty në çdo orë. “Jemi duke punuar 24 orë në ditë. Pa pushim. E vetmja gjë që mendojmë është shpresa për të tërhequr anëtarët e familjeve të tyre gjallë nga rrënojat. Kjo është ajo që po bëjmë, dhe nuk do të ndalemi. Ne do të vazhdojmë të kërkojmë derisa të gjithë të gjenden”, tha kryetari vendor i bashkisë Charles Burkett.