Francezi 58 vjeçar Alain Cocq, i cili vuan nga një sëmundje e pashërueshme kishte kryer dy greva urie në vitin 2020 teksa kërkonte të drejtën e eutanazisë. Ai ka vdekur sot në Zvicër me anë të ‘vetëvrasjes së asistuar’. Aktivisti nga Dijon vuante nga një sëmundje e rrallë e pashërueshme që shkaktonte mbylljen e mureve të arterieve të tij të gjakut. Në një letër të hapur që kishte lënë për parlamentin dhe presidentin Emmanuel Macron, të cilët kishin mohuar më parë të drejtën e tij për eutanazi, Cocq shkruante: “Dua t’ju informoj për vdekjen time me dinjitet”. Të afërmit e tij thanë për rrejtin AFP se vdekja e Cocq – pak pas mesditës së sotme – ishte “e paqtë” dhe ndodhi “shumë shpejt”. Tentativat e tij të mëparshme për të vdekur duke ndaluar ushqimin dhe mjekimet, ishin ndërprerë pas dhimbjeve të patolerueshme. Ndërsa një tentativë për të transmetuar vdekjen e tij direkt në Facebook verën e shkuar, ishte ndaluar nga rrjeti social.