Veprimi i saj ishte instiktiv; adoleshentja nga Minesota, Darnella Frazier nuk do ta kishte menduar ndonjehere se videoja që ajo i bëri momentit të vrasjes së afrikano-amerikanit George Floyd nga një zyrtar policor do të kthehej në dëshminë kryesore të ngjarjes së rëndë e asaj vetë do t`i sillte cmimin më të madh të gazetarisë në SHBA, atë Pulitzer. Frazier, sot 18 vjece, u vlerësua në këtë mënyrë për guximin e treguar. Videoja e saj ngjalli protesta në mbarë botën kundër brutalitetit policor e vuri në pah rolin e rëndësishëm të qytetarëve në kërkimin e gazëtarëve për të vërtetën dhe drejëtsinë. Stafi i gazetës Minneapolis Star Tribune, u nderua me çmimin për dhënien e lajmit më të shpejtë për vdekjen e Floydit . Platforma online BuzzFeed ka fituar çmimin e parë Pulitzer, në kategorinë e raportimit ndërkombëtar, për mbulim të kampeve të ndërtuara nga Kina për ndalime masive të ujgurëve myslimanë. Mbulimi i bërë Covid 19 i solli një cmim edhe të përditëmes amerikane The Neë York Times. Çmimet Pulitzer ndahen që nga viti 1917, kur gazetari Joseph Pulitzer, emigrant hungarez-hebre, i krijoi ato me vullnetin e tij. Njoftimi për këto çmime, në vlerë të 15,000 dollarëve secili, ishte shtyrë që nga muaji prill, për shkak të pandemisë.