Fermerët francezë po përshtatin metoda jo-tradicionale për të mbrojtur kafshët e tyre nga vala e të nxehtit që ka mbërthyer vendin. Ndërsa temperaturat tejkalojnë 35 gradë Celsius, Lydia është e shqetësuar për 60 e ca dosat e saj të cilat po presin të pjellin. Fermerja nga Bretoni ka instaluar disa tuba të cilat pikojnë ujë në qafën dhe trupin e dosës, si dhe ka devijuar ujitjen nga fushat për në çatinë e derrave. "Ne djersijmë, i sekretojmë gjërat, por jo ato. Vapa do të qëndrojë brenda tyre, si një tenxhere me presion. Kështu do të marrin frymë gjithnjë e më rëndë dhe ka rrezik për arrest kardiak. Qëllimi është ulja e temperaturës sa më shumë që të jetë e mundur në mëngjes, në mënyrë që ndërtesa të thithë nxehtësinë pasdite”. – u shpreh ajo. Një tjetër fermer, që ka më shumë se 50 lopë në stallën e tij shprehet gjithashtu se ka marrë masa për për mbrojtjen e kafshëve nga vapa “Kam vendosur një sistem tubash, të cilave u kam lidhur edhe disa spërkatës uji. Sistemi përdor shumë pak ujë, ndërsa vetëm e njom dyshemenë pa e bërë atë të rrëshqitshme. Duhet ta lësh ndezur për një kohë mjaft të gjatë, që të përdorë shumë ujë. Unë e mendova si të isha për vete. Kur ne kemi vapë bëjmë një dush dhe ndihemi mirë, e njëjta gjë edhe për lopët. Thamë ta provonim dhe e vërteta është se ato po e pëlqejnë. ”