Të organizuar nga shkollat apo të shoqëruar nga prindërit, qindra fëmijë janë bërë pjesë e Panairit të Librit që në nisje të tij, por çfarë preferojnë lexuesit e vegjël dhe çfarë ofron libri shqip për ta? Unë jam më shumë te librat me fantazi, më pëlqejnë edhe librat e letërsisë shqiptare sepse më tregojnë si është zhvilluar libri dhe letërsia shqipe -Më pëlqejnë librat e huaj të përkhyer, veprat me aksion dhe luftë -Më shumë më pëlqejnë autorë të huaj, por kohët e fundit kam filluar të lexoj shumë autorë shqiptarë Në letërsinë për fëmijë, veprat e përkthyera nga letërsia botërore mbizotërojnë mbi librat e autorëve shqiptarë. Valbona Banko - Shtëpitë botuese gjejnë më shumë lehtësi dhe e kanë të sigurt që libër që është i përkthyer, sepse është tashmë i njohur në vendin e vetë dhe vetë tregu e kërkon. Ndoshta është frika se autori i ri nuk njihet. Megjithatë, mes stendave të shtëpive botuese në panair vëren një rritje të titujve të rinj nga autorë shqiptarë. Albana Nexhipi - Një libër shqip e bën fëmijët të njohë tematika që për hir të moshës, nuk i ka njohur më parë. Për studiuesit dhe shkrimtarët, është e nevojshme që fëmijëve t’u ofrohen vepra që bazohen te aktualiteti dhe te kërkesat e të vegjëlve. Elia Zaharia - Jam vetë nënë dhe shoh që sfida më e madhe është tableti e telefoni. Libri është në një konkurencë shumë të fortë. Unë insistoj duke i dhënë vajzës sime shembullin, jo duke thënë lexo, por unë lexoj dhe ajo më shoh, fëmijët priren të imitojnë.