Një familje në Argentine është kthyer dje nga ajo që pretendon se ishte udhëtim në pesë kontinente me një makinë të vjetër të vitit 1928. Të shoqëruar nga dhjetra biçikleta, udhëtarë e vetura të epokës, familja Zapp i dha fund udhëtimit 22-vjeçar në Obeliskun e Buenos Aires. Aventura e tyre kishte nisur në vitin 2000, dhe gjatë rrrugës ata thonë se kanë lindur e rritur katër fëmijët e tyre që tani janë adoleshentë. Herman, Candelaria dhe fëmijët e tyre kanë ecur me makinë një total prej 362,000 kilometra. Ata kaluan dje në kufi me Uruguain para mbëritjes së tyre të pritur në vendin nga u nisën më 25 janar 2000, në Obeliskun në qendër të Buenos Aires. "Ndjenjat e mia janë të përziera. Duket se po merr fund një ëndërr, realizimi i një ëndrre," tha Herman për rrjetin AFP. "Nuk dimë çfarë do të ndodhë tani, janë bërë aq shumë ndryshime”, shton 53 vjeçari teksa përmend si nismen e radhes, ndoshta një lundrim me barkë rreth botës. Candelaria, e cila ishte 29 vjeçe kur nisi udëhtimin, tani është 51, dhe thotë se zbulimi më i mirë ishin njerëzit që ka njohur gjatë rrugës. "Njerëzit janë të mrekullueshëm, njerëzimi është i mrekullueshëm”, thotë ajo duke shtuar se kanë vizituar 102 shtete dhe nganjëherë duhet të ndryshonin rrugë prej luftës apo konflikteve. Dyshja ishin martuar gjashtë vjet para nisjes, kishin vende të mira pune dhe sapo kishin ndërtuar një shtëpi. Por kur dikush u ofroi makinën e vitit 1928 tip Graham-Paige ata aljnë gjithçka prapa dhe nisën aventurën.