Presidenti i Turqisë, Rexhep Tajip Erdogan, tha se vendi i tij nuk do të detyrojë kurrë popullin sirian të kthehet në vendin e tyre megjithë presionit nga opozita turke. "Sirianët mund të kthehen në atdheun e tyre kur të duan ata, por ne kurrë nuk do t'i detyrojmë të largohen nga toka jonë", tha Erdogan në një event të biznesit turk. Presidenti Erdogan theksoi se Turqia do të vazhdojë të strehojë sirianët e ardhur dhe nuk do t'i lërë ata në "duart e vrasësve". Mbi 14 milionë sirianë u detyruan të largohen nga shtëpitë e tyre, duke u bërë refugjatë ose të zhvendosur brenda vendit, sipas BE, 3 milionë prej të cilëve gjenden në Turqi. Eventi përkonte gjithashtu me 9 Majin - Ditën e Evropës, për të cilën Erdogan tha se Deklarata e Schuman hodhi themelet e integrimit evropian. Presidenti turk deklaroi mes të tjerash se BE në vitet e fundit është larguar nga vlerat e saj të themelimit dhe ka mbetur nën ndikimin e politikave afatshkurtra të vendeve anëtare. Prandaj tani në kohën e luftës në Ukrainë, “BE duhet të shkruajë me një histori të re për veten e saj".