Dy gjykata në Itali kanë vendosur ta kundërshtojnë dekretin e qeverisë italiane lidhur me emigrantët, me anë të cilit u riklasifikuan vendet nga vijnë këta të fundit, pra nëse janë të sigurta ose jo. Dekreti i miratuar nga qeveria Meloni, që synonte të kishte një listë të qartë të vendeve të sigurta për ta bërë të zbatueshëm marrëveshjen me Shqipërinë, po e vë atë sërish në rrezik për shkak se dy gjyqtarë kanë vendosur ndryshe. Një gjyqtar në Katania jo vetëm që ka kundërshtuar legjitimitetin e ndalimit të një të mituri egjiptian, por ka shkruar në vendim se Egjipti nuk mund të konsiderohej një vend i sigurt, ndryshe nga lista e re që ka hartuar qeveria italiane. Gjyqtari thotë se dekreti i qeverisë Meloni nuk mund ta privojë një gjyqtar të marrë një vendime kundër, por nëse ekzekutivi ka ankesa mund ti drejtohet gjykatës së Drejtësisë së Bashkimit Evropian. Kjo ishte hera e dytë që kundërshtohet transferimi i emigrantëve në Shqipëri, pas vendimit që mori një Gjykatë në Romë për 12 personat e parë që mbërritën në Gjadër, çështje që gjithashtu ka përfundusar për vlerësim në Gjykatën Evropiane të Drejtësisë.