Vrasja e liderit të Hamasit, Mohammed Sinwar nga forcat e ushtrisë izraelite u konfirmua të mërkurën nga Benjamin Netanyahu. Në një fjalim para parlamentit izraelit, Netanyahu deklaroi: “Në luftërat e Izraelit, kaq shumë gjëra nuk janë arritur kurrë në kaq shumë fronte”. Kryeministri izraelit shtoi: “Në 600 ditët e rilindjes sonë, ne kemi ndryshuar fytyrën e Lindjes së Mesme. Ne i përzumë terroristët nga tokat tona, pushtuam Rripin e Gazës me forcë, eliminuam dhjetëra mijëra terroristë. Ne eliminuam Deif, Haniyya, Yahya dhe Mohamed Sinwar. Ne shkatërruam infrastruktura të panumërta terroriste dhe morëm kontrollin e perimetrit”. Gjatë fjalimit të Netanyahut në Knesset, disa nga familjet e të rrëmbyerve në tribuna qëndruan me shpinën kthyer nga ai. Pas trazirave të shkaktuara në seancën plenare gjatë fjalimit, deputetët Meirav Cohen, Gilat Kariv dhe Yurai Lahav Herzno u larguan.