28 elefantë indianë janë testuar për infeksione të Covid-19 në një rezervat në jug të Indise duke u marrë mostra hundore dhe anale. Ekspertët thanë se testet janë një masë parandaluese dhe se kafshët nuk kishin shfaqur simptoma. Por zhvillimi vjen pas vdekjes së një luaneshe të infektuar me koronavirus në një kopsht zoologjik të krahinës indiane Chennai javën e kaluar. "Pasi luanët rezultuan pozitivë në kopshtin zoologjik të Vandalur ne kërkuam testimin e elefantëve si masë parandaluese”, tha përgjegjësi i rojeve të botës së egër në rezervatin e Mudumalai. Mostrat e marra nga 28 elefantët duke përfshirë dhe dy këlyshë, u dërguan në institutin veterinar të Uttar. Në pamje kafshët shihen që ngrejnë noçkën e tyre për të dhënë mostrat e hundës, ndërsa punonjësit fusnin gjithashtu tamponë në fundzorrën e tyre te pasme. "Nuk kishte vështirësi në marrjen e mostrave pasi këta janë elefantë të stërvitur”, tha një prej veterinerëve.