Pas sulmit të deshtuar me raketa nga Irani drejt bazës së rëndësishme ushtarake britanike të Diego Garcia në Oqeanin Indian, dhe deklaratës së shefit të shtabit të ushtrisë izraelite, eskpertët britanik deklarojnë se Britania është e pambrojtur nga raketat iraniane. Sipas tyre, ishulli është i detyruar të mbrohet nga sistemet mbrojtëse raketore amerikane të stacionuar në Evropë. Raketat e hedhura në ishullin e Diego Garcias, në Oqeanin Indian i cili ndodhet 2360 milje nga Irani, shumë më tepër se rrezja e besuar e goditjeve me raketa prej 1240 milje të regjimit iranian, rezulton se kjo potencialisht vë në objektiv jo vetëm Parisin, që ndodhet 2609 milje nga Irani, por madje edhe Londrën që ndodhet 2750 milje larg Iranit. Kjo pasi ekspertët besojne se kjo është e mundshme pasi Irani përdor sistemin e teknologjise hapsinore Simorgh, për të zgjeruar rrezen e veprimit. Sipas ekspertit britanik te mbrojtjes, Steve Prest, “raketat balestike janë raketa kozmike. Pas lëshimit ato ngjiten shumë lart në hapsirën kozmike dhe rikthehen në tokë me shpejtësi shumë të madhe. E nëse ke program hapsinore ke edhe programe të raketave balestike”, sipas tij. Ne rast të një sulmi balestik besohet se Britania do detyrohet të mbrohet nga sistemet amerikane SM-3, të vendosura në Evropën Lindore ose sistemit Patriot edhe ky amerikan, që përdoren nga gjermanët për interceptimin e këtyre raketave. Sistemi SM-3 mendohet se interceptoj dhe shkatërroj një nga raketat iraniane të drejtuara drejt ishullit strategjik në Oqenin Indian ku ndodhet baza ushtarake britanike që përdoret edhe nga amerikanët. Qartazi, lufta në Iran ka ekspozuar mangësi kërcënuese për sigurine dhe sisteme që do duhet të ishin po aq të zhvilluara teknologjikisht në aspektin difensiv sa edhe në operacionet ofensive nga ajri, në një luftë konvencionale si më të mundshmet në planet, pasi ajo bërthamore është pa konceptueshme dhe do shënonte në cdo eventualitet fundit e botës sic e njohim sot.