Qytetarë, ushtarakë dhe oficerë policie mbanin arkivolin e oficerit egjiptian Soliman Ali Soliman, i vrarë në sulmin e të shtunës në gadishullin Sinai të marrë përsipër nga ISIS. Sulmi në stacionin e pompave të ujit ishte humbja më e rëndë që ushtria egjiptiane ka pësuar vitet e fundit nga grupi militant islamik. Veriu është përfshirë prej disa vitesh nga dhuna që prej rrëzimit të presidentit Mohammed Morsi në 2013. Një oficer dhe dhjetë ushtarë egjiptianë janë vrarë të shtunën në një “sulm terrorist” në një stacion në lindje të Kanalit të Suezit. Personeli i sigurisë u vra pas konfrontimit me grupin e militantëve që po sulmonin stacionin, teksa pesë të tjerë u plagosën sipas burimeve. Elementët terroristë ishin ndjekur nga forcat ushtarake dhe janë rrethuar në një zonë të izoluar në gadishullin Sinai, por më pas nuk u dhanë më lajme mbi ecurinë e aksionit.