Qendra e librit “Sotir Kolea”, që prej tre vitesh është pjesë e Bibliotekës Kombëtare ka ndihmuar në hapjen e fondit me vepra të rralla, përfshirë koleksionet e Aubrey Herbert, Aleks Budës, Mit’had Frashërit, Mitrush Kutelit apo Lasgush Poradecit për lexuesin. Sipas shifrave të Bibliotekës Kombëtare, janë rreth 12-15 mijë anëtarësime në vit, me një rritje të të rinjve që frekuentojnë ambientet e Bibliotekës, që tashmë lejon edhe studimin me materiale personale në sallat e leximit. Antonio Çikollari, përgjegjës i Sektorit të Mirëmbajtjes së Librit në Qendrën “Sotir Kolea” - Përgjithësisht, besnikët e librit janë mosha e mesme, por edhe të rinjtë i janë kthyer ambienteve të Bibliotekës Kombëtare, edhe me materialet e veta, sikurse edhe objektet elektronike. Megjithatë, në ambientet e Bibliotekës Kombëtare mbetet problem mungesa e infrastrukturës për sistemin e materialeve dhe për pasojë shumë tituj nuk janë të aksesueshëm lirisht për publikun dhe studiuesit. Antonio Çikollari, përgjegjës i Sektorit të Mirëmbajtjes së Librit në Qendrën “Sotir Kolea” - Ne jemi përpjekur të bëjmë maksimumin, por përsëri fondi kryesor, të paktën në gjuhën shqipe, ndodhet në fonde të mbyllura te ‘Pallati i Kulturës’, që aksesohet në mënyrë më të vështirë Me pasurimin e fondit vit pas viti, është nevoja për zgjerimin e ambienteve për Bibiotekën Kombëtare, teksa ende nuk ka ende një datë se kur do të jetë gati godina e re që ka nisur të ndërtohet në zonën e Liqenit Artificial. Antonio Çikollari, përgjegjës i Sektorit të Mirëmbajtjes së Librit në Qendrën “Sotir Kolea” - Sot është nevoja më e madhe për Bibliotekën Kombëtare për të lehtësuar praninë e librit te lexuesi. Mendoj që është pjesa më e rëndësishme për ndërtimin e një biblioteke të re. Janë shumë vepra të vyera dhe të vjetra që duan kushtet e nevojshme për rijetëzimin e tyre.