Ambra Alimeta - Të hysh thellë në vargjet e një libri është si të zhytesh në oqean në kërkim të një perle, por pa pasur frikë se mund të mbytesh. Ky është një shembull se leximi është shumë i rëndësishëm, po aq sa shkrimi ku ti mund të lesh gjurmë në atë oqean… Ky është mesazhi më i bukur që Ambra Alimeta mund t’i jepte bashkëmoshatarëve në Ditën Botërore të Librit dhe të Drejtave të Autorit. Duke u ndalur te ulja e numrit të lexuesve, drejtoresha e Qendrës Kombëtare të Librit dhe Leximit theksoi se kjo ditë duhet të shërbejë si thirrje dhe reflektim. Arta Marku, drejtoresha e Qendrës Kombëtare të Librit dhe Leximit - Ky është një moment thirrjeje për të vazhduar lidhjen me librin. Numri i lexuesve ka rënë, duhet të thirret fort krijimi i lexuesve të rinj. Duhet të shkohet nëpër shkolla. Të rinjtë e sotëm janë kaq shumë të joshur nga teknologjia dhe duhen gjetur mekanizma për t’i bërë ballë. Në aktivitetin që u mbajt në Drejtorinë e Përgjithshme e Arkivav, u shfaqën për herë të parë dorëshkrimet e disa personaliteteve të shquara të kombit, përfshirë veprën origjinale të Andon Zako Çajupit, “Baba Musa lakuriq”, ditarin e Mid’hat Frashërit apo dorëshkrime të Musine Kokalarit. Ndërsa në shënimet e Parashqevi Qiriazit del për herë të parë arsyeja se përse mungoi mbi Kongresin e Manastirit: u udhëzua nga vëllai. Marinela Ndria, Zëvendësdrejtoresha e Përgjithshme e Arkivave – Në dorëshkrime duket si autorët kanë ndërhyrë dhe kanë bërë korrigjime herë pas here, duke zbuluar metodologjinë e shkrimtarëve të njohur.