Një baladë e re e sapo publikuar nga Xhensila Myrtezaj ka shpërthyer rrjetin dhe komentet, pas tekstit të fortë që kënga mban. Lumë komentesh në rrjet e lidhin këngën e saj “Thuju” me mesazh për ish-bashkëshortin e saj Bes Kallaku, me të cilin iu drejtua zyrtarisht gjykatës për kërkesë ndarjeje pak kohë më parë. “Thuju, sa herë vetëm netët i kaloja, sa herë sytë nga Zoti ëe të kërkoja. Të vërtetën pse e fsheh? Hajde thuju. Mëkatar i fshehtë ti je”, thuhet ndër të tjera në tekstin e kësaj kënge. Ndërkohë në një reagim të bërë në Instagram, Xhebsla ka falënderuar fansat për mbështetjen ndërsa thotë se nesër do të publikojë një tjetër këngë, që për të është tepër e rëndësishme. “Shumë faleminderit për çdo urim dhe mbështetje për këngën e fundit. Kanë ardhur komente të jashtëzakonshme nga të cilat unë jam lumturuar shumë. Dua t’u njoftoj se një kapitull i ri është hapur për mua, dhe po të hënë del kënga e jetës sime! Një këngë që kam dhënë shpirt, dashurinë dhe gjithçka kam pasur brenda vetes, uroj ta pëlqeni”, u shpreh ajo. Në 11 nëntor, ditë të cilën ajo do të publikojë këngën, është dhe ditëlindja e parë e djalit të saj, e mesa kuptohet ky projekt do t’i dedikohet të birit.