Caroline Crouch, nëna e re 20 vjecare që u vra në Greqi në sy të fëmijës 11 muajsh, vdiq në agoni thotë The Sun. Bashkëshorti i saj, Babis Anagnostopulos iu afrua kur ajo ishte në gjumë dhe e mbyti për 5 apo 6 minuta. Raporti mjerko-ligjor tregon se e reja vdiq ngadalë në agoni. Trupi i saj ishte mbushur me shenja e mavijosje, që tregojnë se ka luftuar fort përpara se të ndërronte jetë. të dhënat e orës smart që Caroline kishte në dorë, tregojnë se vdiq ndërmjet orës 4.05 dhe 4.11 të mëngjesit. Disa minuta përpara, rreth orës 3.58 rrahjet e zemrës ishin të qeta, si ato të një njeriu që është duke fjetur. Pastaj, shpërthejne papritur ne 4.05 duke treguar një gjendje ekstreme mendore dhe stresi fizik, shkruan gazeta e njohur britanike sipas të cilës, Caroline ishte marrë me kickboxing e në këtë sport, mbante rripin e zi. Ajo ka luftuar për 10 minuta për jetën e saj, përpara se të dorëzohej. piloti 33 vjecar rrëfeu dy ditë më parë se ishte ai vrasësi is ë shoqes që kërcënonte ta lintee të merrte dhe fëmijën me vete. Babis pohoi gjithashtu se e kishte sajuar të gjithë historinë e grabistëve te pamëshirshëm shqiptarë që sic thoshte, i kishte vënë armën në kokë edhe vajzës së vogël pasi gjoja kishin mësyrë shtëpinë e ciftit në Glika Nera. Kulmi i hipokrizisë së tij mbërriti u perqafonte në funeral nënën e viktimës, së cilës, sic pohoi më vonë, nuk i kishte shkuar kurrë në mendje se e bija do të vdiste nga duart e njeriut që i kishte premtuar dashuri të përjetëshme.