Deputetët në Meksikë aprovuan sot një reformë në legjislacionin e minierave për shtetëzimin e rezervave të litiumit në vend. Deputetët e opozitës dolën nga salla në shenjë proteste ndaj ndryshimit të propozuar nga presidenti Andres Manuel Lopez Obrador. Reforma përjashton kompanitë private nga shfrytëzimi i këtij minerali, tashmë të kthyer në parësor për bateritë e makinave elektrike dhe teknologjitë e reja. Reforma u etiketua si ligj dytësor dhe u kalua me gjysmën e votave të 500 deputetëve. Teksti i propozuar nga López Obrador thoshte se litiumi është një trashëgimi kombëtare dhe duhet të menaxhohet nga kompania shtetërore pa pjesëmarrjen e privatëve. Qeveri të mëparshme kishin dhënë tetë konçesione në lidhje me mineralin por në legjislacion nuk u specifikua si veprohet me to. López Obrador ka thënë më parë se lejet ekzistuese do të respektohen nëse kompanitë kanë nisur ose janë duke nisur prodhimit.