Moska thotë se do të hapë cdo ditë korridore humanitare drejt Rusisë përgjatë gjithë kohës që do të zgjasë konflikti për civilët ukrainas. Ministria ruse e mbrojtjes i ka thënë agjencisë së lajmeve Interfax se do ta bëjë këtë gjë pa miratimin e Kievit. Zyrtarët rus thanë se korridoret do të hapen në orën 10:00 me orën e Moskës çdo ditë. Ofertat për hapjen e korridoreve humanitare drejt Rusisë janë kritikuar më parë si "cinike" nga Ukraina dhe perëndimi. Ukraina hodhi poshtë një ofertë të ngjashme më herët dhe Sekretari amerikan i Shtetit Antony Blinken i ka quajtur propozime të tilla "absurde". Gjatë paradites së të enjtes Ministrat e jashtëm rus dhe ukrainas nuk arritën të kishin një marrëveshje mes tyre. Ministri i Jashtëm i Ukrainës, Dmytro Kuleba, tha se nuk pati "asnjë përparim" drejt një armëpushimi pas takimit me homologun e tij rus në Antalia. Nga ana tjetër Sergei Lavrov sugjeroi se Vladimir Putin mund të jetë i hapur për të takuar Volodymyr Zelenskyyn.