Suraj Kumar u shpall fajtor në Indi për vrasjen e gruas së tij dhe u dënua me burgim të përjetshëm për krimin e tij, të cilin gjykatësi e përshkroi si “tejet djallëzor”. Në fakt, mënyra e vrasjes nuk ishte e zakontë: 27 vjecari i kishte futur të shoqes në shtrat një kobra. E ëma e gjeti 25 vjecarjen pa ndjenja dhe krahun e majtë të gjakosur. Ajo u dërgua me urgjencë në spital, ku u shpall e vdekur nga kafshimi i gjarprit tmerrësisht helmues. Kafshime të tilla ndodhin rëndom në Indi, por familja e vajzës nisi të dyshonte dhe bëri kallzim në polici. Uthra përshkruhet si një njeri mjaft i dashur, por ajo kishte vështirësi për të mësuar, e kjo bëri që sic duket i shoqi nisi të lodhej me të. Nga ana tjetër, familja e vajzës ishte e pasur, ndërsa Suraj vinte nga shtresa të varfra të popullsisë. Ai e kishte shfrytëzuar për para, duke kërkuar gjithmonë e më shumë prej të afërmeve të saj, ndersa tani mesa duket donte edhe më tepër. Gabimi i madh që bëri ishte se përpara kobrës, ishte përpjekur ta vriste të shoqen edhe më një nepërkë helmuese, por në atë rast ajo mbërriti shpejt ne spital dhe arriti të shpëtonte. 25 vjecarja megjithatë, ende nuk e kishte marrë veten dhe ndërsa qëndronte e shtrirë ne shtrat, burri i kishte dhënë qetësues e më pas i është afruar me gjarprin, i cili nuk e ka kafshuar në fillim, ndaj ai ia ka shtyrë kokën e kobrës dy herë në krah. Hetimi tregoi se kafshimi nuk kishte qenë i natyrshëm, dhe se kobra do ta kishte pasur të pamundur të hynte vetë në atë dhomë.