British Airways ka njoftuar se do të shkurtojë 10,300 fluturime të tjera me distanca të shkurtra deri në fund të tetorit. Linja ajrore, ndër më të goditurat nga mungesat e stafit pas pandemisë e bëri njoftimin vetëm një ditë pasi rriti anulimet e fluturimeve. British Airways zbuloi shkurtimet e fundit më pak se 24 orë përpara se sindikatat që përfaqësonin 700 punonjës nga stafi i saj i kontrollit dhe shërbimit në Heathroë - pothuajse gjysma e ekipit të saj që përballet me klientët atje - të zbulonin datat e grevës në një mosmarrëveshje mbi pagesën. Largimet pritet gjerësisht të përkojnë me fillimin pushimeve verore. Kompania tha se i kërkon falje pasagjervë dhe se po shikon mundësinë për të ofruar opsione të riprenotimit për fluturimet e reja edhe me një linjë tjetër ajrore ose një rimbursim të plotë të biletës Sipas rregullave evropiane të të drejtave të pasagjerëve ajror, udhëtarët e prekur mund të këmbëngulin që të fluturojnë në të njëjtën ditë, edhe nëse kjo do të thotë që British Airways duhet të paguajë për një vend në një linjë ajrore rivale. Pamjet: AFP