Bashkia e Paraupebas në veri të Brazilit ka organizuar atë që pretendojnë se është “barbejkuja më e madhe në botë” me rastin e 34 vjetorit të qytetit. Administrata e qytetit tha se 20 000 kg mish u përdor gjatë eventit të njohur në vend si "churrascao", siç e quajnë ata mishin e pjekur ose të skuqur të viçit. eventi madhor përfshinte dhjetra radhë me mish në zgara vertikale, që ngroheshin ngadalë në zjarre të mëdhenj druri. Churrasco merret nga mishi më i mirë i lopës, pra i pjesëve anësore, por mund të jetë i fortë prej indeve lidhëse që përfshihen në copat. Organizatorët e gostisë thanë se pas përfundimit të pjekjes që kërkon disa orë, do të kërkojnë njohjen zyrtare të rekordit Guinness. Nuk dihet nëse sasia gjigante e mishit të pjekur të përftuar do të konsumohet e gjitha në event apo do të ruhet me anë të teknikave të rezervimit.