Kryeministri britanik Boris Johnson mirëpriti sot presidentin amerikan Joe Biden në takimin e tyre të parë kokë më kokë, në prag të samitit të liderëve të G7 në Cornwall, në jugperendim të Britanisë. Në samit Biden e Johnson do të tentojnë të sheshojnë diferencat politike për çështje si ndryshimet klimatike, udhëtimet ndërkombëtare, konfliktet separatiste në Irlandën e Veriut. Presidenti amerikan dhe gruaja e tij Jill do të qëndrojnë në një prej apartamenteve me pamjet e mahnitshme të gjirit Saint Ives Bay në një nga suitat e krahut perëndimor të kompleksit. Liderët e G7 po strehohen në një kështjellë të shekullit të 18-të në Cornwall te Britanise, që është kthyer në një fortesë rezidenciale me pagesë, posaçërisht për eventin.