Imazhet tregojnë zonën e rrethuar dhe të plagosurit që dërgohen në spital pasi një bombë në kryeqytetin afgan la të paktën 10 të vrarë të premten. Shpërthimi tragjik ishte vetëm një nga disa sulme që kanë goditur vendin gjatë muajit musliman të agjërimit. Mediat perëndimore thonë se sulmet kanë natyrë fetare sektariane, disa prej të cilave janë pretenduar nga militantë të Shtetit Islamik. Pamje të sulmit të sotëm të shpërndara në rrjetet sociale tregonin të mbijetuarit që vraponin për të dalë nga xhamia, disa prej të cilëve duke mbajtur viktima në krahë. "Kishte shumë besimtarë në xhami kur shpërtheu bomba," tha për rrjetin AFP një dëshmitar që dha emrin e tij si Ahmad. Objekti i sulmit mund të ketë qenë minoriteti musliman Sufi që ishin grumbulluar pas lutjeve të së premtes, tha një zyrtar. Të plagosur dërgoheshin me ambulanca në spitalin e Kabul ku ishin mbledhur të afërm që kërkonin familjarët e tyre. Pamjet: AFP