Ndërsa qindra mijëra vetë në mbarë botën janë mbledhur në solidaritet me Ukrainën, në Serbi është e kundërta, shumë aty kanë dalë në mbështetje të Vladimir Putinin dhe vendimit të tij për të pushtuar ish-republikën sovjetike. Dyqanet në Beograd shesin hapur bluza me imazhin e Putinit në to, ndërsa një mural i madh i presidentit rus që e shpall atë "vëlla" për serbët, zbukuron një mur në qendër të Beogradit. Marko Vezmar është një nga ata qytetar serb i cili shpreh hapur mbështetjen e tij për Presidentin Vladimir Putin dhe pushtimin e Ukrainës. "Kjo duhej të bëhej," i tha Vezmar AFP, ndërsa kishte veshur një këmishë me portretin e Putinit . "E keqja arriti në kufijtë rus dhe nëse nuk do të ishte [pushtimi] do të kishte pasur një luftë botërore," shtoi ai, ndërsa turma bërtiti "Serbët-Rusët, vëllezër përgjithmonë". Për shekuj, Serbia dhe Rusia kanë pasur lidhje të forta mes tyre -- nga trashëgimia e tyre sllave dhe ortodokse deri te aleancat e tyre gjatë Luftërave Botërore.Ndikimi i Moskës në Serbi mbetet i dukshëm, me naftën dhe gazin rus që ofrojnë pikën kryesore të mbështetjes të sektorit energjetik të vendit. Pamjet: AFP