Presidenti amerikan Joe Biden do të marrë pjesë në inaugurimin e Presidentit të zgjedhur Donald Trump në janar, tha Shtëpia e Bardhë të hënën, duke e quajtur një “angazhim ndaj vlerave demokratike” pavarësisht se Trump nuk ka qenë i pranishëm në ceremoninë e betimit të Presidentit Biden në 2021. Presidenti i atëhershëm Donald Trump refuzoi të merrte pjesë në inaugurimin e Biden në vitin 2021, pasi pretendoi se zgjedhjet, që Biden i fitoi, ishin të manipuluara dhe përsëriti këto akuza në një tubim në Uashington, para se një pjesë mbështetësve të tij të sulmonte Kapitolin, raporton VOA. “Presidenti premtoi se do të merrte pjesë në inaugurimin e kujtdo që të fitonte zgjedhjet”, tha një zëdhënës i Shtëpisë së Bardhë para gazetarëve. “Ai dhe Zonja e Parë do ta mbajnë premtimin dhe do të marrin pjesë në ceremoninë e inaugurimit”.