Persona të moshës nga 18 deri në 30 vjec, të cilët e kanë kaluar një herë Covid 19, janë ftuar të marrin pjesë në një studim i cili do t`i ekspozojë ata sërish ndaj sëmundjes. Ekspertët duan të shohin sesi reagon sistemi imunitar i trupit kur përballet për të dytën herë me Covid 19. Qëllimi është të krijohen trajtime dhe vaksine sa më të mira, e për këtë arsye po përpiqen të verifikojnë cdo reagim të mundshëm të organizmit. Gati 64 personat që do të mblidhen për këtë studim do të kalojnë 17 ditë në karantinë ne një njësi spitalore, e do të t`i nështrohen vazhdimisht testeve si dhe skanimit të mushkërive. Ata do të riekspozohen ndaj virusit original, atij që u përhap nga Wuhani i Kinës, në një ambjent të sigurtë e të kontrolluar, ndërsa një ekip mjekësor do të monitorojë pa reshtur gjendjen e tyre shëndetësore. Sipas BBC, bëhet fjalë për vullnetarë, por disa media të tjera vendase thonë se për studimin e realizuar nga Universiteti i Oksfordit, të rekrutuarit do të marrin një pagesë prej 5 mijë paundësh. Studimi do të realizohet me dy faza; në fillim do të administrohet një dozë më e vogël virusi dhe në fazën e dytë, pjesëmarrësit do të marrin një dozë të standartizuar.